Glosario N.M.

Coñece máis sobre o glosario

Zona Cero

Denominación que a prensa puxo á praza do Coído de Muxía que , pola situación do barco, tinguiuse de negro ás poucas horas do naufraxio. Aqueles días había temporal e o mar salta moitas veces e inunda a Praza do Coído, desta vez cheo de chapapote o que levou o fuel ata as mesmas casas e iso chamou moito a atención dos medios de comunicación. Mais esta denominación tróuxonos non poucos problemas aos muxiáns, xa que outras vilas dicían que non tiñamos porque ser a zona cero, que todos eramos zona cero. Foi causa de non poucos debates nas xuntanzas de Nunca Máis da Costa da Morte.