Glosario NM

Sobre o Glosario As voces Engadir entradas

Man

1. Manfred Gnädinger, mais conhecido como Man ou o Alemão, foi um asceta e escultor que morou em Camelhe (Camarinhas). Morreu em dezembro de 2002, um mês depois que a maré negra do Prestige destruísse as suas esculturas e a praia de Camelhe. No imaginário popular, a sua morte foi causada pola desolação provocada pola catástrofe. XP.

2 . Coñecido como o alemán de Camelle. Tiña a súa particular casa-museo de crebas land-art pegada ó mar. Podías visitalo, que alí estaba sempre aquel home, aquel man. Recibíache en taparrabos e ofrecíache un lapis e unha pequena libreta para que fixeras un debuxo ou un poema. Chegou a acumular centos de libretiñas, que foron enchendo de contidos varias xeracións de visitantes, coma un tesouro da creación colectiva. Din en Camelle que cando abriu a porta da súa casa e viu todo cuberto de fuel, non quixo tomar máis o tratamento que o mantiña con vida e deixouse morrer. O 28 de decembro, día dos santos inocentes e coincidindo co Velorio ó Mar na Coruña, soubemos do seu triste final. Non era unha inocentada.
O Velorio ó Mar acabou sendo tamén o de Man. ML.