Glosario N.M.

Coñece máis sobre o glosario

Voluntariado

Adoitabamos dicir que non eramos persoas voluntarias, senón obrigadas pola situación. Sexa como fora, serviu para nomear o movemento de solidariedade orixinado pola marea negra que provocou que milleiros de persoas, tanto galegas como de fóra, se botasen ás praias coa vontade de limpar o chapapote que ía chegando. A organización recaeu principalmente nos colectivos ecoloxistas e nalgún caso nos concellos, que destinaron instalacións municipais onde distribuír tarefas e roupa de traballo ás participantes en cada limpeza diaria. Neses mesmos pavillóns durmían as persoas chegadas de fóra en colchonetas e sacos tirados no chan.